L’ECCIDIO DI PIETRAPERZIA
Lu 1894 non accuminciò bonu in Sicilia.
Lu 1893 avìa statu l’annu di li ribbillioni di li Fasci siciliani e di la dura repressioni ordinata di Franciscu Crispi.
Nni lu settembri di lu 1893 a Petraperzìa, in pruvincia di Enna, si funnau lu Fasciu di li travagghiaturi pi impulsu di Franciscu Tortorici Cremona, pueta e auturi di òpiri ca ancora oji sunnu canusciuti e liggiuti di assai pitrini.
Lu 1° di innaru di lu 1894, già di primu matinu, pi li strati di Petraperzìa cc’è ‘n insòlitu movimentu.
Versu li 13.00, a l’internu di la matrici, si riunìscinu un gran nùmiru di persuni. Òmini e matri di famigghia cu li figghi ‘n vrazzu.
Nisciuti di la chiesa s’avviaru versu lu chianu Santa Maria a lu gridu di «Abbassu li tassi!», «Semu affamati!».
Nta la chiazza truvaru appustata a na forza di 30 surdati. A la fudda ci si dissi di jirisinni, però inveci d’accògghiri l’invitu a turnarisinni a li casi, la fudda pigghiò a pitrati a li surdati chi, pi tutta risposta, spararu, facennu 15 firuti e 9 morti.
Doppu l’eccidiu, li surdati si rifugiaru a l’internu di lu cunventu di Santa Maria, lassannu lu paisi in manu a lu fururi di la fudda. A l’edificiu di lu telègrafu, a l’ufficiu di lu registru, a lu municipiu, a la pretura, a li casotti daziari a l’entrata di lu paisi e a dui casini di li “galantòmini”, ci si desi focu. Foru occupati l’uffici d l’esatturìa e di la posta e si tintò d’assaltari la carzara.
Nni li jorna appressu a li tumulti cci foru lu sciugghimentu di lu Fasciu, arresti di massa e l’istituzioni di tribunali militari. Lu processu durò sulu 8 jorna, di lu 3 a l’11 d’aprili di lu 1894 e si cunchiudìu cu cundanni durissimi e ingiusti.
📨Entra sul canale telegram per contenuti esclusivi: https://t.me/Trinacria_info
Informazioni sull'autore
